Dhjetë foshnja të porsalindura kanë humbur jetën nga zjarri në një spital në Indi.

Shtatë të vegjël janë shpëtuar nga flakët para se zjarrfikësit të arrinin në spitalin e qarkut Bhandara në shtetin perëndimor të Maharashtra, transmeton portali arbresh.info

Kryeministri i Indisë Narendra Modi e ka përshkruar incidentin si një tragjedi pikëlluese.

Shkaku i zjarrit ende nuk dihet dhe hetimet janë duke u zhvilluar.

Zjarri nisi rreth orës 02:00 sipas kohës lokale, bëjnë të ditur zyrtarët e spitalit.

Përpjekjet për shpëtim pengoheshin nga shpërthimet e vazhdueshme brenda repartit, raportojnë mediat lokale.

Një infermiere në detyrë thotë se alarmoi autoritetet pasi pa tymin duke dalë nga Njësiti i Kujdesit për të Porsalindurit.

“Autoritetet e spitalit kanë shpëtuar shtatë foshnje, por 10 kanë vdekur në një incident të pafat,” u tha gazetarëve kirurgu civil i rrethit Pramod Khandate.

Në një postim në Twitter, Modi tha se mendimet e tij ishin me familjet e pikëlluara./arbresh.info/